Policia e Tiranës ka shpallur në kërkim pesë persona dhe po procedon në gjendje të lirë tre të tjerë nën akuzat e trafikimit të makinave dhe motorëve të vjedhur jashtë Shqipërisë.
Në gjendje të lirë po procedohen 58-vjeçari B. D., banues në Durrës, 29-vjeçari E. Ç., dhe 27-vjeçari E. S., të dy banues në Tiranë.
Ndërkohë, në kërkim janë shpallur 29 vjeçari E. P.,banues në Shkodër, 33-vjeçari I. P., 33 vjeç, me shtetësi Malazeze, 33-vjeçari F. M., banues në Laç, 49-vjeçari I. R., 49 vjeç, banues në Fier dhe 44-vjeçari F. P., me shtetësi italiane.
Në cilësinë e provës materiale janë sekuestruar:
1- Mercedes Benz, C Class, i cili rezulton I vjedhur në Rumani.
2- Audi, A5, i cili rezulton i vjedhur në Suedi.
3- Audi, A4, i cili rezulton i vjedhur në Itali.
4- Audi, A5, i cili rezulton i vjedhur në Itali.
5- Volkswagen, Golf V, i cili rezulton i vjedhur në Itali.
6- BMË, X5, i cili rezulton i vjedhur në Itali.
7- Yamaha, T-Max, i cili rezulton i vjedhur në Itali.
8- Yamaha, T-Max, i cili rezulton i vjedhur në Greqi.
Këto mjete ishin vjedhur në vendet e Bashkimi Evropian dhe u ishte ndryshuar numri i shasisë dhe dokumentat në Shqipëri dhe më pas ishin regjistruar në DRSHTRR Tiranë./tvklan.al
