Aktorja bukuroshe angleze, Gemma Atkinson, citon “The Sun”, ka rrëfyer takimin që kishte pasur dikur me Cristiano Ronaldon, yllin portugez të Real Madridit. Gemma është njohur me CR7 në një televizion anglez, ndërsa e kishte ftuar futbollistin e mirënjohur në shtëpi, më pas.
“Ishte një djalosh joshës dhe i sjellshëm, por edhe frikacak, sepse gjatë kohës që qëndroi në shtëpinë time, ai pinte vetëm çaj të nxehtë dhe shikonte gara me kuaj” – ka thënë aktorja angleze.
Sipas saj, ky takim ka ndodhur në vitin 2007, në kohën kur Cristiano Ronaldo ishte futbollist i Manchester United. E pyetur nëse kishte pasur më pas raporte me futbollistin, Gemma ka mohuar gjithçka, duke dhënë edhe një arsye: “Nuk e takova më asnjëherë.
Dëgjova se ishte kapur me disa prostituta dhe kjo nuk më pëlqeu tek ai!” Aktorja, e cila tani është ylli i ri i “Emmerdale ITV”, u rrëfye për “Radio Manchester” mbi këtë histori me yllin portugez, para se ai të transferohej te Real Madridi.
