Shitet diamanti unik rozë për 31.6 milionë dollarë. Blerësi thuhet se është aziatik, por identiteti i tij ende nuk dihet.
CNN shkruan se Shtëpia e ankandit të Londrës “Sotheby’s”, e cila gjendet në Gjenevë, ka shitur për 31.6 milionë dollarë diamantin rozë në formë të dardhës, i cili ndryshe u quajt edhe “Unique Pink” (Roza unike) me 15. 38 karatë, transmeton Gazeta Express.
Diamanti i vendosur në unazë të thjeshtë, i është shitur një blerësi aziatik, identiteti i të cilit nuk dihet.
Megjithatë, diamanti më i shtrenjtë rozë ende mbetet i quajturi “Graff Pink”, i cili ishte prej 24.78 karatë. Ai u shit në nëntor të vitit 2010 për 46.2 miliona dollarë.
