Kryeministri Edi Rama ka njoftuar se më shumë se 10 milionë turistë të huaj kanë vizituar vendin tonë përgjatë këtij viti.
Përmes një postimi në rrjete sociale, Rama e konsideron këtë arritje fantastike.
“Bashkë me Krishtlindjen kaloi edhe numri 10,000,000 i turistëve të huaj në Shqipëri; një arritje fantastike e paimagjinueshme deri pak vite më parë. 10 011 500 turistë të huaj kanë hyrë në vendin tonë deri mbrëmë”, ka shkruar Kryeministri Rama në Facebook.
Viti 2023 është viti më i mirë i historisë së turizmit në Shqipëri pasi ka regjistruar mbi 10 milionë vizitorë./Opinion.al
