Sipas buletinit të Institutit të Gjeoshkencës, Energjisë, Ujit dhe Mjedisit (IGJEUM) në të gjithë territorin e vendit, pritet të ketë reshje shiu dhe bore, të cilat do të shoqërohen me ulje të theksuara të temperaturës, ku minimalja shkon -15 grade.
Për pasojë të gjitha akset rrugore kombëtare dhe rurale në lartësinë mbi 200 m mbi nivelin e detit, do të preken nga bora dhe ngricat.
Sipas buletinit të IGJEUM, reshjet e borës pritet të nisin sot por në lartësi mbi 700m.
Ndërsa të shtunën, dt.16 Janar, pritet të bjerë sasia më e madhe e borës në Qendër dhe në Jug, në zonat me lartësi mbi 300 m nga niveli i detit ndërsa në Veri edhe në 200 m.
Rrethet që pritet të preken nga dëbora deri në fund të ditës së shtunë janë kryesisht në rajonet lindore të vendit, nga veriu në jug.
Ndërkaq reshjet e shiut pritet të jenë në sasinë më të lartë në qarkun e Shkodrës ku mund të shkojnë deri në 90 mm.
Njëherësh në disa rreth të tjera si Tirana, Elbasani, Lezha, Kukësi, Dibra mund të shkojnë deri në 45 mm gjatë 24 orëshit.
Sipas parashikimeve, akset rrugore që mund të preken nga ngricat:
Shkodër- Koplik-Hani i Hotit, Shkodër-Kelmend
Shkodër- Lezhë- Milot
Vau i Dejës-Pukë, Pukë-Fushë Arrëz
Fushë Arrëz-Qafë Mali, Qafë Mali- Bajram Curri-Valbonë
Qafë Mali-Kukës-Morinë
Bajram Curri- Helçan- Krumë
Krumë-Kukës-Morinë
Rruga e Kombit Milot-Rrëshen-Morinë
Milot-Burrel- Qafë Buall, Bulqizë- Peshkopi-Maqellarë
Peshkopi-Kukës Peshkopi-Steblevë-Librazhd
Librazhd-Prrenjas-Qafë Thanë
Korçë-Kapshticë, Korçë- Qafë Qarri
Ersekë-Leskovik-Tre Urat
Korçë- Voskopojë, Korçë-Dardhë
Korçë Lozhan Moglicë -Gramsh
Gramsh-Cërrik -Elbasan, Berat-Poliçan Çorovodë
Memaliaj-Tepelenë- Gjirokastër-Kakavijë
Gjirokastër- Qafë Gjashtë- Sarandë
Vlorë- Llogara- Himarë- Sarandë
Parashikimi per temperaturat
Sot (e premte), shira me intensitet te larte ne veri dhe qender te Shqiperise gjate pasdites, here pas here edhe rrebeshe. Dita e shtune me reshje te dendura debore ne verilindje dhe juglindje deri ne 40 cm ne zona te thella.
Qe nga e diela si edhe java tjeter renie drastike e temperaturave si pasoje e te ftohtit polar. Temperaturat e ajrit do te jene ne vlera negative ne te gjithe vendin ku minimalja do te ulet deri ne -15 apo edhe me poshte kesaj vlere ne zonat e thella malore.
