Një 24 vjeçar ka rënë në pranga e policisë së Vlorës, pasi së bashku me 4 persona të tjerë shfrytëzonin të rinj nga Ukraina për t’i rekrutuar si shpërndarës droge.
Nkoftimi i policisë:
DVP Vlorë/ Vijon operacioni policor i koduar “TRANSNACIONAL”. Kapet dhe ndalohet një tjetër shtetas, në kuadër të këtij operacioni.
Strukturat e Hetimit të Krimit në DVP Vlorë, në bashkëpunim me Prokurorinë pranë Gjykatës së Shkallës së Parë Vlorë, kanë finalizuar me sukses një tjetër fazë të operacionit policor “TRANSNACIONAL”, i cili ka për qëllim goditjen e një rrjeti që trafikojnë qenie njerëzore dhe i shfrytëzojnë ato për veprimtari të paligjshme, ka vijuar me kapjen dhe ndalimin e një tjetër shtetasi të përfshirë në këtë aktivitet kriminal.
Si rezultat i këtij operacioni, u bë e mundur kapja dhe ndalimi me iniciativë i shtetasit të huaj Oleh Kulsha, 24 vjeç, banues në qytetin Sumskaja, Ukrainë.
Pas verifikimeve të kryera, rezultoi se ky shtetas, në bashkëpunim me 4 shtetas të tjerë, të arrestuar më herët në kuadër të operacionit “TRANSNACIONAL,” ka trafikuar shtetas nga vende të ndryshme të Europës, kryesisht shtetas nga Ukraina, drejt Shqipërisë, me qëllim shfrytëzimin e tyre për punë të kundërligjshme.
Materialet procedurale u referuan Prokurorisë për veprime të mëtejshme.
