Një 19-vjeçar është arrestuar në Tiranë për veprën penale “Shfrytëzimi i prostitucionit”. Po ashtu është proceduar penalisht në gjendje të lirë edhe një 22-vjeçare me inicialet E. A., për veprën penale “Prostitucioni”.
19-vjeçari B. M., dyshohet se ka shfrytëzuar për prostitucion, kundër përfitimeve monetare, shtetase të moshave 18-25 vjeçe, dhe ky aktivitet i paligjshëm kryhej në hotele dhe hostele të ndryshme të Tiranës.
I riu nëpërmjet rrjeteve sociale gjente klientë të ndryshëm, të cilët më pas i orientonte në vende të caktuara për tu takuar me shtetaset që i shfrytëzonte për prostitucion. Në vijim të veprimeve u procedua penalisht njëra nga këto shtetase.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithëm Tiranë, për veprime të mëtejshme procedurale.
