Nëse keni parë një varg të çuditshëm dritash në qiell në mbrëmje, mos u shqetësoni sepse nuk janë UFO por satelitët Starlink.
Ditët e fundit shfaqja e veçantë në qiell është raportuar se është parë në disa vende të botës, përfshi edhe Shqipërinë. Shumë shpejtë pamje të shiritit të dritave u shpërndanë në rrjetet sociale duke ngritur pyetje se çfarë ishte ky fenomomen.
SpaceX, kompania e kërkimit hapësinor e themeluar nga Elon Musk, planifikon të fusë mijëra satelitë në hapësirë për të lehtësuar aksesin në internet në pjesët e largëta të Tokës. Tashmë janë gati 300 satelitë Starlink në orbitë, dhe disa janë të dukshëm me sy të lirë, në varësi të vendi ku jeni.
SpaceX e njoftoi për herë të parë programin në 2015, dhe qëllimi është të lëshojë në orbitë 12,000 satelitë. Kompania lëshoi në orbitë 60 satelitët e rinj me datën 18 mars dhe ky është grupi i gjashtë i Starlinks që SpaceX që ka lëshuar brenda një viti.
Themeluesi i kompanisë ka hyrë në një debat me astronomët sa i përket ndikimit të satelitëve tek puna e këtyre të fundit. Sipas astronomëve, drita që reflektojnë satelitët pengon studimin e qiellit ndërsa Musk ka delaruar se Starlink nuk do të ketë aspak impakt në punën e astronomëve. /Opinion.al
