Ndërsa po zhvillohet në Prishtinë mbeldhja e përbashkët e dy qeverive shqiptare, Shqipërisë dhe Kosovës fjala kryesore e Ramës dhe Mustafës është bashkëpunimi shumë i mirë, shkëmbimet tregtare, etj.
Por në realitet përtej fjalimeve, si është ky bashkëpunim?
Ia vlen të shihet se si dy qeveritë nuk po gjejnë dot gjuhën e përbashkët për godinën e ambasadës shqiptare në Prishtinë.
Ish-kryetari i Prishtinës dhe Sekretar i Përgjithshëm i LDK-së, Ismet Beqiri, në një prononcim dhënë për Gazetën Express ka thënë se mbledhja e jashtëzakonshme e Kuvendit Komunal të Prishtinës (31 Maj) për t’i dhënë tokë Ambasadës së Shqipërisë ishte e panevojshme. Beqiri ka thënë se në vitin 2015 Komuna e Prishtinës i kishte ndarë tokë Ambasadës së Shqipërisë, dhe kjo e fundit është lojë e Shpend Ahmetit.
“Së pari unë e mbështetës deklaratën e Grupit të LDK’së. Së dyti nuk ka qenë asgjë emergjente për ta thirrur mbledhjen e Kuvendit Komunal dhe së treti është lojë e qartë e Shpend Ahmetit sepse më 4 maj 2015 nga qeverisja e tanishme i është ndare toke ambasadës në lagjen Sofalia”, ka thënë Beqiri për Express.
Ai ka shpjeguar se përse LDK’ja po e kundërshton aq shumë dhënien e lokacionit në lagjen “Lakrishtë” për Ambasadën shqiptare.
“Po ua rikujtoj që gjatë vitit 2007, më 24 korrik, Kuvendi Komunal i Prishtines, me kërkesë të LDK-së, i ka ndarë LDK’së lokacionin për ndërtimin e selisë së saj në lagjen “Lakërishte” aty ku VV po tenton tani t’ia ndaj pronën Ambasadës së Shqipërisë. Me vendimin e Kuvendit Komunal të Prishtinës nr.01.353-310,,dt.24.korrik 2007, toka është ndarë në një afat të pacaktuar. Me vonë janë dhënë kushtet urbanistike, leja urbanistike dhe është dorëzuar edhe projekti ideor.
