Trajneri ukrainas, legjenda e futbollit, Andriy Shevchenko ka thënë se ekipi i tij kombëtar do të përgatitet njësoj, sikurse për ndeshjen ndaj Turqisë ashtu edhe për atë me Kosovën.
“As që na shkon mendja ta nënvlerësojmë Kosovën. Ky nuk është një takim më pak i rëndësishëm sesa ai me Turqinë. Prandaj, ne do të përgatitemi për këtë kundërshtar, sikurse edhe për të tjerët”, ka thënë Shevchenko, raporton KTV.
Megjithatë, ai e ka pranuar se nuk ka informacione të shumta për Kosovën, edhe pse ka thënë se ekipi i tij ka monitoruar Kosovën dhe është gati për ballafaqimin me të.
Kosova luan kundër Ukrainës, më 9 tetor, në Krakow të Polonisë.
