Kryetari i Bashkisë së Tiranës, Erion Veliaj, ka publikuar këtë të enjte projektin për sheshin fundor në Bulevardin e Ri në kryeqytet.
Përmes një postimi në rrjetet sociale Veliaj ka prezantuar fotot se si do të duket ky shesh në përfundim të projektit.
Krahas fotove ai shkruan se puna do të nisë së shpejti me ndihmën edhe nga qeveria e Katarit, e cila ka miratuar një grant 11 milionë euro.
“Me ndihmën e qeverisë së Katarit, e cila na miratoi një grant 11 milion euro, nisim së shpejti PUNËN për realizimin e projektit të sheshit fundor në Bulevardin e Ri! Mirënjohës për Emirin e Katarit, Al Thani, por edhe ambasadorit në Tiranë, Al-Marri.
Tirana do të ketë sheshin ceremonial që meriton”, shkruan Veliaj.
Jo më larg se sa dje, vetë Veliaj në një takim më ambasadorin e Katarit në Tiranë Ali bin Hamad Al-Marri zbuloi se qeveria e Katarit i miratoi një grant 11 milionë euro Bashkisë së Tiranës për realizimin e sheshit fundor në Bulevardin e Ri.
Sheshi i ri do ndërtohet në pjesën fundore të Bulevardit të Ri, përgjatë Lumit të Tiranës, dhe do të ketë disa hapësira pedonale për qytetarët. Po ashtu, do të krijohen parqe në të dyja anët e lumit, si dhe hapësira të tjera çlodhëse e argëtuese për fëmijët dhe të rriturit./Opinion.al
View this post on Instagram
