Parandalohet vrasja e dy personave. Sipas policisë së Tiranës janë arrestuar në flagrancë dy persona, ndërsa është sekuestruar edhe një armë zjarri Kallashnikov, që dyshohet se do ta përdorin këta dy shtetas ndaj dy shtetasve të tjerë të përfshirë në konflikt.
“Shërbimet e Policisë të Komisariatit të Policisë Nr. 5 Tiranë, pas marrjes së informacionit se në Valias po ndodhte një konflikt i ashpër midis disa personave, organizuan menjëherë punën dhe me veprimet e shpejta dhe profesionale bënë të mundur parandalimin e mëtejshëm të këtij konflikti duke arrestuar në flagrancë dy shtetas: B.S., 40 vjeç dhe S.S., 39 vjeç , i dënuar më parë për veprën penale “Plagosja e rëndë me dashje” “, njofton policia.
Po në cilësinë e provës materiale është bllokuar dhe automjeti i autorëve të kësaj ngjarjeje tip Porsche Cayenne./ Opinion.al
