Policia e Fierit ka zbardhur detaje të reja në lidhje me plagosjen e ndodhur pasditen e sotme në qytetin e Roskovecit.
Përmes një reagimi zyrtarë, blutë bëjnë me dije se shkak i sherrit në ambientet e lokalit ka qenë një konflikt i çastit për motive të dobëta.
Nga ndërhyrja e shërbimeve të Policisë, është bërë e mundur shoqërimi në Komisariat, i shtetasit 15-vjeçar.
Ndërkohë që i dëmtuari Gazmir Gjoni është transportuar në spitalin e Fierit, ku po merr ndihmë mjekësore.
Roskovec/Informacion paraprak
Plagosi me mjet prerës (thikë) një shtetas, Policia kap dhe shoqëron menjëherë pas ngjarjes, autorin e dyshuar.
Rreth orës 16:30, në Roskovec, dyshohet se pas një konflikti të çastit, për motive të dobëta, 1 shtetas i mitur, 15 vjeç, ka plagosur me mjet prerës (thikë), shtetasin Gazmir Gjoni rreth 39 vjeç.
Nga ndërhyrja e menjëhershme e shërbimeve të Policisë, është bërë e mundur kapja dhe shoqërimi në Komisariat, i shtetasit 15-vjeçar, me të cilin po kryhen veprimet e mëtejshme procedurale.
Ndërkaq, i dëmtuari është transportuar në spitalin e Fierit, ku po merr ndihmë mjekësore.
Grupi hetimor po punon për sqarimin e plotë të rrethanave të rastit.
