Një sherr i dhunshëm ka ndodhur mbrëmjen e djeshme në Ksamil, ku 5 persona u konfliktuan për një vend parkimi.
Sipas njoftimit të policisë, blutë kanë arrestuar një 26-vjeçar turk, i cili ka goditur me grushte një 56-vjeçar.
Në pranga ka rënë 26-vjeçari turk me iniciale H. D., me banim të përkohshëm në Prishtinë,
Ndërsa u procedua penalisht 54-vjeçari i dhunuar, banues në Ksamil, si edhe shtetasit me iniciale B. M., 50 vjeç, Sh. M., 42 vjeç, shtetasin e dëmtuar A. M., si dhe shtetasin turk A. B., 26 vjeç, që u përfshinë në sherr.
I dhunuari raportohet se ka marrë dëmtime në kokë dhe ndodhet në spitalin e Traumës.
Njoftimi i policisë:
Specialistët për Hetimin e Krimeve në Komisariatin e Policisë Sarandë referuan materialet në Prokurori dhe:
arrestuan shtetasin turk H. D., 26 vjeç, me banim të përkohshëm në Prishtinë, pasi më datë 06.06.2025, rreth orës 21:15, gjatë një konflikti për motive të dobëta, ka goditur me grushte shtetasin A. M., 54 vjeç, banues në Ksamil, i cili ka marrë dëmtim në kokë dhe aktualisht ndodhet në spitalin e Traumës Tiranë, nën kujdesin e mjekëve. Gjithashtu nisi procedimi penal në gjendje të lirë edhe për shtetasit e tjerë të përfshirë në konflikt B. M., 50 vjeç, Sh. M., 42 vjeç, shtetasin e dëmtuar A. M., si dhe shtetasin turk A. B., 26 vjeç.
