Florjan Muka, 18-vjeç, është personi që vrau me thikë, gjatë një konflikti për motive të dobëta një 19-vjeçar dhe la të plagosur një tjetër, i cili ndërhyri mes tyre për të shuar sherrin.
Policia bën me dije se Florjan Muka plagosi me mjet prerës (thikë), shtetasin me iniciale G. B., 19 vjeç, i cili si pasojë e plagëve të marra ka humbur jetën në spital.
Po ashtu, në spital për ndihmë mjekësore është paraqitur edhe 20-vjeçari me iniciale O. S., i cili në momentin që ka ndërhyrë për të parandaluar sherrin me të rinjve është dëmtuar dhe ndodhet jashtë rrezikut për jetën.
Muka ndërkohë është vënë në pranga dhe është shoqëruar në Polici, ku po kryhen veprimet e mëtejshme procedurale./Opinion.al
