Nuk mbeti i madh dhe i vogël pa e marrë vesh se Ermal Mamaqi dhe Bes Kallaku janë në sherr me njërin-tjetrin. Në fakt ishte vetëm një lojë virtuale mes dy artistëve që kanë me mijëra fansa në facebook dhe instagram.
Ata sigurisht kanë bërë një lojë, pasi në të vertetë janë miq, por e keqja është se shumë fansa me sa duket e morën seriozisht dhe nisën të sulmonin kundërshtarin me fjalë fyese.
“Lufta me Ermalin është e gjitha një shaka, por mua më dalin në krah më shumë se Mamaqit, pasi katunarët bëjnë për njëri-tjetrin më shumë se qytetarët”, ka thënë Besi në një intervistë për “Panoramën”.
Pyetjes nëse janë miq apo armiq me Ermalin, ai iu përgjigj: “Shumë miq, të mirë madje. Por me mua janë sensibilizuar dashamirësit”.
