Flitet për një sherr mes Kryeministrit Rama dhe Kryetarit të Bashkisë Erion Veliaj, në takimin me përfaqësues të biznesit.
Erion Veliaj, duket se ka ironizuar Kryeministrin në fjalën e tij, ndërsa Edi Rama është dëgjuar të kërcënojë nga vendi Erion Veliajn, bën me dije syri.net.
Ky portal, ka publikuar të plotë fjalën e Veliajt në takim, i cili mes të tjerash është shprehur:
“Unë nuk e di kush ka qenë, ose më saktë unë e di kush ka qenë mendja fine që tha, këtë çmimin e biznesit të vogël që japim ta thotë Erioni, se në fakt bashkitë ishin ato që e merrnin taksën e biznesit të vogël. Edhe mesazhi nga gjithë kryetarët e bashkive që kishin një ceremoni, para se të vija këtu, ishin si fjala e atij tipit te “Don Bosko”, për kryeministrin, ministrin e Financave dhe atë të Ekonomisë: “O njish, o grup, o artist, po me lekët tona do bëni ju sevap për biznesin e vogël…”.
I mënjëhershëm ka qenë reagimi nervoz i kryeministrit Edi Rama, ku të pranishëm në sallë kanë dëgjuar kryeministrin t’i “premtojë” Luan Bregasit që kishte afër: “Ja tregoj unë këtij langaraqi njëshin, lalin e figurën”, shkruan portali.
Videoja më poshtë, sjell fjalën e Erion Veliajt, që mendohet se ka indinjuar Ramën në takim.
[fbvideo link=”https://www.facebook.com/1776108475947096/videos/1952459588311983/” width=”500″ height=”400″ onlyvideo=”1″]
