Një konflikti i momentin në lokal ka çuar në përdorimin e armëve, ku i plagosur ka mbetur një 34 vjeçar. Policia tha se ngjarja ka ndodhur sot në orën 00:10 në një lokal në fshatin Bërdicë të Shkodrës, ndërsa ende nuk dihen motivet. I dëmtuari është F. F 34 vjec, banues në Shkodër.
Personat e përfshirë në sherr kanë dalë nga lokali dhe kanë thyer xhamat e parë të dy mjeteve të cilat ndodheshin në parkingun e lokalit. Njëri prejt tyre ka qëlluar me armë zjarri pistoletë në ajër dhe është larguar së bashku me personat e tjerë me automjetet e tyre. Policia tha se për plagosjen është shpallur në kërkim A. K. 32 vjeç, banues në Lezhë.
Policia bën me dije se po punohet për identifikimin dhe kapjen e bashkëpunëtorëve të tjerë dhe zbardhjen e plotë te ngjarjes.
“Materialet iu referuan Prokurorinë e Rrethit Gjyqësor Shkodër, për veprat penale “Kanosja” ,”Plagosja e lehtë me dashje”, “Shkatërrimi i pronës”, “Prishja e qetësisë publike”, “Prodhimi dhe mbajtja pa leje e armëve luftarake dhe e municionit” të kryera në bashkëpunim”, thuhet në njoftimin e policisë. /Opinion.al
