Tre persona kanë mbetur të plagosur me thikë ditën e sotme në ambientet e një lokali në Laprakë.
Policia bën me dije se gjatë një konflikti shtetasi E. Gj., 40 vjeç, ka goditur me thikë shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç.
Të plagosurit ndodhen në spital, nën kujdesin e mjekëve. Pasi ka goditur me thikë tre personat, 40-vjeçari është larguar nga vendi i ngjarjes. Aktualish policia vijon punën për arrestimin e autorit.
Njoftimi i policisë
Më datë 04.03.2023, në Laprakë, në një lokal, shtetasi E. Gj., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve. Shërbimet e Policisë po kontrollojnë në zonë për kapjen e autorit. Grupi hetimor po punon për sqarimin e rrethanave të ngjarjes./ Opinion.al
