Një 19 vjeçar, shqiptar nga Kosova është vrarë mbrëmjen e së dielës në Gjermani. 19-vjeçari Soni S. jetonte në Schafhausen të Zvicrës kishte dalë me të dashurën e tij në një klub në qytetin Kostanze të Gjermanisë. Pak pas mesnate ai është përfshirë në një sherr me disa persona të tjerë, shkruan media gjermane Suedkurier.
Sipas raportimeve të para, dhe sipas dëshmisë të kushëririt të 19-vjeçarit, sherri kishte nisur për një vend parkimi. Megjithatë policia gjermane ende nuk ka dhënë më shumë detaje për ngjarjen.
I riu u godit me thikë, dhe në përpjekje për t’u larguar me makinën e tij, ka humbur ndjenjat dhe është përplasur me lokalin. 19-vjeçari kosovar ndërroi jetë në spitalin e Kostanze.
Janë arrestuar 4 persona dhe po hetohet për zbardhjen e ngjarjes së rëndë.
