Një sherr është regjistruar këtë të martë në qytetin e Elbasanit.
Sipas uniformave blu, ngjarja ka ndodhur në hyrje të Kalasë, ku dyshohet se për shkak të një konflikti të çastit, për motive të dobëta, shtetasi E. I., 41 vjeç goditi me dorezë metalike, shtetasin M. K., 60 vjeç.
Ndërkohë 60-vjeçari ndodhet në spitalin e Elbasanit dhe është jashtë rrezikut për jetën.
“Rreth orës 11:00, në lagjen “Kala”, dyshohet se për shkak të një konflikti të çastit, për motive të dobëta, shtetasi E. I., 41 vjeç ka goditur me dorezë metalike, shtetasin M. K., 60 vjeç, dhe më pas është larguar.
Shërbimet e Policisë vijojnë kontrollet për kapjen e shtetasit E. I.
Ndërkaq, 60-vjeçari po merr ndihmë mjekësore në spitalin e Elbasanit dhe është jashtë rrezikut për jetën”, tha policia.
Grupi hetimor vijon punën për sqarimin e plotë të rrethanave të këtij rasti./Opinion.al
