Një 26-vjeçar është vënë në pranga nga Policia e Tiranës pasi ka dhunuar bashkëjetuesen e tij. Oficerët pasi kanë marrë njoftimin se në rrugën “Marie Logoreci”, një i ri po dhunonte një 23-vjeçare, kanë shkuar në adresën e dhënë.
Gjatë shoqërimit, shtetasi O. Xh., i cili kishte dhunuar bashkëjetuesen e tij, shtetasen H. D., së bashku me këtë të fundit dhe babain e tij, shtetasin E. Xh., kanë kundërshtuar dhe goditur për shkak të detyrës punonjësit e Policisë, për të penguar shoqërimin në Komisariat.
Në vijim të veprimeve u arrestuan në flagrancë të tre. O. Xh., 26 vjeç, akuzohet për veprat penale “Dhuna në familje”, “Goditja për shkak të detyrës” dhe “Mosbindja ndaj urdhrit të punonjësit të policisë së rendit publik”;
Ndërsa babai i tij E. Xh., 55 vjeç dhe bashkjetuesja H. D., 23 vjeçe,akuzohen për veprat penale “Goditja për shkak të detyrës” dhe “Mosbindja ndaj urdhrit të punonjësit të Policisë së rendit publik”.
Materialet i kaluan Prokurorisë, për veprime të mëtejshme procedurale.
