Një sherr mes të rinjve ka degjeneruar në përdorimin e armëve të ftohta. Policia e Shkodrës ka vënë në pranga 18-vjeçarin M. Erkoqeviç, si dhe po procedohet në gjendje të lirë E. Bandula, 18 vjeç, të dy banues në Shkodër.
Sipas policisë, sherri mes tyre ka ndodhur pas një konflikti për motive të dobëta, ku për pasojë dy të rinjtë e ndaluar nga policia kanë goditur me dorezë të hekurt në kokë 17-vjeçarin me iniciale, M.Sh, banues në Shkodër.
Në cilësinë e provës materiale u sekuestruan: një dorezë e hekurt, një thikë në formë biçaku, si dhe një shkop i ngjashëm me shkopinjtë e gomës.
Ndërkohë materialet i kaluan Prokurorisë për veprën penale: “dëmtime të tjera me dashje” dhe “prodhimi dhe mbajtja pa leje e armëve të ftohta”./tvklan.al
