Babai dhe i biri janë arrestuar nga Policia e Korçës pasi plagosën rëndë me mjete të forta krushkun e tyre, në shtëpinë e këtij të fundit.
Sipas policisë, në pranga përfunduan 47- vjeçari Petrit Çaushllari dhe djali i tij, Emiljano Çaushllari, 21 vjeç. Dy të arrestuarit janë banues në fshatin Buçimas-Pogradec, ndërsa ditën e djeshme ata kishin shkuar në shtëpinë e krushkut të tyre në fshatin DërsnikKorçë.
Pas një konikti për motive të dobëta, ata kanë goditur me mjete të forta në kokë dhe trup, 60-vjeçarin P.B, dhe djalin e tij 26-vjeçarin S.B.
Nga hetimet e kryera rezulton se autorët e dyshuar të ngjarjes, kanë lidhje krushqie me dy të plagosurit, pasi vajza e Petrit Çaushllarit është nusja e djalit të P.B dhe kunata e S.B. 60-vjeçari i plagosur aktualisht ndodhet në Spitalin Rajonal të Korçës, nën kujdesin intensiv të mjekëve. Konikti zik besohet se ka nisur pas një debati për motive të dobëta mes nuses dhe vjehrrit të plagosur.
