Dy vëllezër janë vënë në pranga në Vorë. Shkak është bërë një sherr i dhunshëm që kanë pasur me njëri tjetrin për motive pronësie.
“U arrestuan në flagrancë shtetasit A. M., 47 vjeç, banues në Durrës, dhe E. D., 42 vjeç, banues në Kodër Vorë, (vëllezër), pasi për motive pronësie, kanë ushtruar dhunë ndaj njëri-tjetrit”, njoftoi policia.
Ndërkohë mësohet se gjatë shoqërimit në komisariat, njëri prej vëllezërve, më saktë 47-vjeçari, nuk i është bindur urdhrave të policëve. Policia thotë se materialet i janë kaluar prokurorisë për veprime të mëtejshme procedurale.
