Një sherr me thika është regjistruar mbrëmjen e sotme në Kuçovë.
Sipas policisë, gjatë një konflikti të çastit është plagosur me mjet të mprehtë (thikë), shtetasi E.B., 41 vjeç, banues në Kuçovë, i cili ndodhet në spital, në kujdesin e mjekëve, jashtë rrezikut për jetën.
Mësohet se shërbimet e Policisë dhe grupi hetimor ndodhet në vendngjarje dhe vijon puna intensive për zbardhjen e rrethanave të ngjarjes.
Ndërkohë janë ngritur pika kontrolli dhe vijon krehja e zonës me qëllim kapjen e autorit/ve.
Uniformat blu bëjnë me dije se janë shoqëruar disa persona për tu marrë në pyetje në lidhje me ngjarjen, ndërsa po këqyren kamerat e sigurisë për të bërë të mundur identifikimin dhe kapjen e autorit./Opinion.al
