Një i ri është arrestuar ditën e sotme nga Policia në Korçë, pasi ka tentuar që të djegë me benzinë nënën e tij.
Mësohet se ngjarja ka ndodhur pas një konflikti verbal mes të dyve. I arrestuari është Emiljan Tushini, 32 vjeç, banues në Korçë, i dënuar më parë për vjedhje dhe plagosje.
“Arrestimi i tij u bë pasi më datë 13.02.2017, në lagjen nr 8 në Korçë, në banesë dyshohet se ky shtetas pas një konflikti për motive të dobëta me nënën e tij shtetasen M.T, 52 vjeç, i ka hedhur kësaj të fundit lëndë djegëse (benzinë) në trup dhe më pas i ka vënë flakën”, shkruan njoftimi i Policisë.
Për pasojë shtetasja M.T, ka pësuar djegie trupore dhe është transportuar për ndihmë mjekësore në Spitalin Rajonal të Korçës, ku ndodhet nën kujdesin e mjekëve.
