Megjithëse vendi po kalon krizën e një pandemie dhe orari i lëvizjes është i kufizuar sherret për motive banale janë ende prezente në rrugët e qyteteve.
Rasti i fundit ka ndodhur në Durrës ku policia njofton se gjatë patrullimi të saj ditën e djeshme ka konstatuar në Sektorin Rinia, një sherr mes tre personave.
Njëri prej tyre po godiste me thikë dy të tjerët por ndërhyrja e shpejtë e policisë shmangu përshakllzimin e pasojave që mund të vinin nga ky konflikt.
Në përfundim të veprimeve të para hetimore, specialistët për Hetimin e Krimeve në Komisariatin e Policisë Durrës arrestuan në flagrancë shtetasin E. H., 27 vjeç, banues në Durrës, pasi ky shtetas, pas një konflikti për motive të dobëta ka goditur me thikë dy vëllezërit A. N., 26 vjeç dhe T. N., 30 vjeç, banues në Durrës, pa probleme për jetën.
Gjithashtu, shërbimet e Policisë ndëshkuan me masë administrative 10.000 lekë, të dy vëllezërit që kishin shkelur orarin e karantinës.
Materialet i kaluan Prokurorisë së Rrethit Gjyqësor Durrës, për veprat penale “Plagosja e rëndë me dashje”, “Plagosja e lehtë me dashje” dhe “Mbajtja pa leje e armëve të ftohta”. /Opinion.al
