TIRANE- Personi që u gjet i pajetë në anë të lumit Mat dhe fillimisht u dyshua për vrasje, ka gjetur vdekjen nga goditja e rrjedhës së lumit.
Policia e Shtetit bën të ditur se trupi i pajetë ende nuk është identifikuar. Sipas policisë, nuk ka shenja dhune, ndaj nuk besohet se është vrarë por mund të ketë humbur jetën si pasojë e motit të keq dhe dalja nga shtrati i lumit Mat.
Gjithsesi identifikimi i tij dhe dëshmia e familjarëve do të çonin në zbardhjen e plotë të ngjarjes.
Njoftimi i plotë i policisë
Në anën e shtratit të lumit Mat midis fshatit Suç dhe Klos ne vendin e quajtur ” Rrasa e Kukes”, është gjetur një kufomë e seksit mashkull, rreth 55 vjeç. Nga veprimet e para te kryera nga grupi hetimor dhe eksperti mjeko ligjor nuk eshte konstatuar asnje demtim fizik nga ndonje veprim kriminal. Dëmtimet sipërfaqesore në pjesë të ndryshme të trupit i ka si pasojë e përplasjes së rrjedhës së lumit. Grupi hetimor po kryen veprimet proceduriale nen kryesimin e Prokurorit, përfshi dhe identifikimin e tij.
*Ja fotot nga vendi ku u gjet trupi i pajete i 55 vjecarit
