Është shënuar incidenti i parë në zgjedhjet vendore për kryetar bashkie në Kolonjë, që mbahen këtë të dielë. Rreth orës 12:45 është ndërprerë procesi në një qendër votimi, QV 4048/1. Shkak për këtë është bërë përplasja fizike mes komisionerit të PD dhe vëzhguesit të PS. Pas një ndërprerje për disa minuat procesi ka vazhduar normalisht.
Zgjedhjet e pjessshme po zhvillohen në Kolonjë pas atyre për kryebashkiak në Dibër dhe janë një tjetër provë për palët politike, një vit para zgjedhjeve parlamentare të 2017-s.
Procesi i votimit ka nisur në orën 07:00 me hapjen e 36 Qendrave të Votimit. Janë 8 njësi administrative në Kolonjë, ku pritet të ushtrojnë të drejtën e votës 16 mijë votues.
Votimi nisi normalisht, dhe parashikohet të mbyllet në orën 19:00.
