Më datë 15 Mars gjatë Asamblesë së Kardinalëve, Papa Françesku do të firmosë dekretin për shenjtërimin e Nënë Terezës.
Në të njëjtën Asamble, Ati i Shenjtë do të caktojë gjithashtu edhe datën e shpalljes së shenjtërimit të shqiptares, që mendohet të jetë 4 Shtatori, data e largimit nga jeta e Nënë Terezës.
17 Dhjetorin e kaluar, Papa Françesku i njohu zyrtaisht Nënë Terezës mrekullinë e dytë, atë të një shërimi të plotë të një besimtari brazilian nga një tumor në tru, në gjëndje mjaft të avancuar.
Ndërsa mrekullia e parë ishte shërimi i një 30 – vjeçareje nga Kalkuta, e cila deklaroi se ishte shëruar nga kanceri në stomak pasi i ishte lutur Nënë Terezës.
Një ditë më parë, Papa Françesku e përmendi humanisten shqiptare ndërsa nderoi kujtimin e 4 motrave të urdhërit ungjillor të saj, të vrara në Jemen.
Gjatë Asamblesë do të vendoset gjithashtu edhe vendi se ku do të nderohet shenjtërimi i Nënë Terezës, ku alternativat më të mundshme janë Kalkuta ose Roma, gjatë Jubilehut të kujtimit ndaj mjerimit.
Tv Klan
