Manjola Bregasi
“Ju shqiptarët i këndoni punës dhe beni dashuri ferrave, ne i këndojmë dashurisë, por punojmë”.
Mu kujtua sot kjo shprehje e disa italianëve, që në fund të viteve ’80 vizituan Shqipërinë dhe pikërisht në repartin e veshjeve në Tiranë, patën një shkëmbim eksperience. Me sa duket e kuptuan shpejt stilin e shqiptarëve, që bëjnë sikur.
Për fat të keq në Shqipërinë e sotme i këndohet edhe dashurisë edhe seksit, por as dashurohet e as nuk bëhet seks. Se me sa duket ai stili ynë i të bërit sikur, vazhdon akoma. Bejme sikur punojmë dhe shtymë oren, bëjmë sikur jemi të lumtur dhe e shkruajme në FB, bejme sikur jemi të pasur dhe blejmë firma fallco; bejme sikur jemi të bukura dhe seksi, por kemi frikë të flasim për seksin, sepse dikush do të na paragjykojë e do të na shajë kur*ë. Në ekrane dhe kopertina japim imazhin e mirë, të një zonje të devotshme apo vajze të ndershme, ama e gatshme për t’u hedhur në prehërin e çdo pasaniku, që do ofronte diçka.
Po pse m’u kujtua sot e gjithë kjo histori? Sepse në rrjetet sociale ka plasur epidemia e videove, të burrave e djemve që masturbojnë në linjat e autobuzëve urbanë të kryeqytetit. E neveritshme, e ulët, në një kohë kur çmimi i rritur i biletës i shoqërua me premtimin e Kryebashkiakut Veliaj për një shërbim më të mirë. Apo edhe këtë radhë, bëjmë sikur.
Në të vërtetë më shqetëson kaq shumë ky raport i yni me të bërin sikur, madje edhe me seksin. Çpo ndodh me keta burra të eksituar, gratë e të cilëve nuk u përmbushin dot kërkesat në shtrat dhe me këta djem te rinj qe epshin e papunesisë nuk po e shuajnë dot as në rrjetet sociale apo faqet porno?
Ja ku vjen pastaj dhe historia e abuzimit me jetimët e Shkodrës, që shoqërohet me një sfond seksual të hormoneve të të rinjve të pakontrolluar e të paedukuar mbi seksin. Sot drama jone e ka emrin nevojë, instikt përtej të cilit e paskemi te pamundur të shkojmë. Nje shoqeri e uritur per seks, por që e keqpërdor kete nevojë fiziokogjike në formën më të paformë të mundshme. Nje shoqeri qe ben sikur, e qe duke genjyer se ka arritur orgazmen, vuan e çmendet cdo dite e me shume.
Çmenduri të mbarë!
