Zbardhet plagosja e mesditës në Shëngjin ku mbetën të plagosur 2 persona, ndërsa në pranga është vënë edhe autori i dyshuar i kësaj ngjarje, të cilit i është kapur një armë “Shotgan”, me 19 fishekë dhe sende të tjera të përdorura gjatë kësaj ngjarjeje.
Në pranga në flagancë është vënë Gertjan Malshi, 38 vjeç, banues në Pllanë. Ky person është prangosur nën akuzën e “vrasje në rrethana të tjera cilësuese” mbetur në tentative.
Sipas policisë ngjarja ka ndodhur në orën 14:30, në vendin e quajtur “Rruga e Kunës”.
Menjëherë në vendngjarje kanë mbërritur forcat policore që falë ndërhyrjes së shpejtë kanë bërë të mundur parandalimin e përshkallëzimit të situatës deri në vrasje , duke kapur dhe shoqëruar palët në konflikt si dhe sekuestruar armën dhe mjetet e përdorura.
Nga veprimet hetimore është konstatuar se Gertjan Malshi, pas një konflikti me shtetasin G. A. 52 vjeç, dhe gruan e tij, M. A., 49 vjeçe, dhe djalin K. A. 18 vjeç, banues në Mal- Shëngjin ka qëlluar me armë gjahu në drejtim të tyre.
Për pasojë ka mbetur e plagosur 49-vjeçarja me inicialet M. A., cila pas dhënies ndihmës së parë mjekësore është dërguar për ndihmë më të specializuar në spitalin e Tramues në Tiranë.
Po kështu të plagosur në konflikt e sipër me mjete të forta kanë mbetur babë e bir, si dhe autori i dyshuar Gertjan Malshi të cilët pas ndihmës mjekësore në spitalin e Lezhës ndodhen jashtë rrezikut për jetën.
Gjatë këqyrjes së vendit të ngjarjes janë gjetur dhe sekuestruar në cilësinë provës materiale:
Një armë gjahu e tipit “Shotgan”
Automjeti në pronësi të shtetasit Gertjan Malshi
19 fishekë arme gjahu
sende të forta
Nga veprimet e para hetimore të kryera ka rezultuar se palët janë konfliktuar për motive të dobëta. Gjithashtu do të referohen materialet në Prokurorinë e Rrethit Gjyqësor Lezhë edhe në ngarkim të 52-vjeçarit me inicialet G. A., për kryerjen e veprës penale “Plagosje e lehtë me dashje”./Syri.net
