Ambasadori i Gjermanisë në Tiranë, Peter Zingraf shprehet se e ka të vështirë për të kuptuar shembjen e godinës së Teatrit mëngjesin e sotëm.
Ai e ka konsideruar të nxituar shembjen e Teatrit dhe ka theksuar se transparenca e qeverisë është shumë e rëndësishme në këtë situatë. Ndër të tjera ambasadori gjerman thotë se kjo ndërhyrje mund të çojë hapa pas luftën kundër COVID-19.
“Shembja e nxituar e Teatrit Kombëtar në Tiranë agimin e ditës së sotme në atë formë, që e pamë, është për mua e vështirë për t’u kuptuar. Pikërisht në situatën aktuale të jashtëzakonshme dialogu mes qeverisë dhe shoqërisë civile si dhe sjellja transparente e qeverisë janë veçanërisht të rëndësishme. Ky zhvillim më shqetëson edhe më shumë nisur nga konteksti i luftës kundër pandemisë së virusit Corona, duke qenë se grumbullimet e njerëzve të ndodhura deri tani dhe ato të pritshme mund të sjellin hapa pas. U bëj thirrje të gjithë aktorëve për dialog dhe vetëpërmbajtje.”, shprehet Zingraf në një status në Facebook. /Opinion.al
