Dhjetë persona janë nxjerrë të pa jetë nga rrënojat e një hoteli që përdorej si karantinë prej koronavirusit në Kinë. Sipas Ministrisë së Menaxhimit të Emergjencave, hoteli është rrëzuar ditën e djeshme.
Në momentin e rrëzimit në hotel ndodheshin 80 persona, ku 9 persona shpëtuan, ndërsa 71 persona u bllokuan. Aktualisht, 48 janë nxjerrë nga rrënojat dhe 23 nuk dihet se ku janë.
Departamenti i Zjarrit ka vendosur më shumë se 1 mijë zjarrfikës në ndihmë të personave të mbetur në rrënoja. Në kohën e shembjes, 58 njerëz ishin në hotel dhe të gjithë kishin dalë negativ për testin e koronavirusit.
Kishte gjithashtu 16 stafe hoteliere dhe 6 punonjës të shitjes së makinave në vend. Pronari i ndërtesës është në arrest, sipas agjencisë shtetërore të lajmeve Xinhua.
Hoteli ishte një strukturë çeliku shtatëkatëshe, e ndërtuar në vitin 2013 dhe e kthyer në një hotel në vitin 2018. Punëtorët e njoftuan pronarin dhe i thanë atij se një shtyllë ishte shtrembëruar gjatë ndërtimit, por ndërtesa u shemb disa minuta më vonë.
Ndërkohë, po vijojnë hetimet për të zbardhur saktësisht arsyen e shembjes së ndërtesës.
Quanzhou është rreth 600 milje larg Ëuhan, epiqendra e shpërthimit të koronavirusit në Kinë, ku më shumë se 3000 njerëz kanë vdekur nga virusi./ Opinion.al
