Një person ka vdekur dhe tetë të tjerë janë plagosur nga shembja e urës Patra në Greqi, ndërkohë që ekipet e shpëtimit kanë shkuar në vendngjarje për të ndihmuar.
Operacioni i nxjerrjes vazhdon, me ekipet e shpëtimit që bëjnë përpjekje të furishme shpëtimi, pasi të paktën 3 persona dyshohet të jenë nën rrënoja.
Sipas mediave greke ngjarja ndodhi në orën 12:47 të pasdites së sotme, kur është njoftuar edhe qendra operacionale e Zjarrfikëses për aksidentin.
Në vendngjarje kanë mbërritur 5 autoambulanca, një ambulancë e lëvizshme, 35 zjarrfikëse si dhe ekip me mjete speciale të shpëtimit.
Policia ka ndaluar qarkullimin e automjeteve në bypass-in e gjerë të Patrës në të dy drejtimet (drejt Athinës dhe Pirgos) si dhe në rrugën Diodorou në Patras, për shkak të shembjes së një pjese të urës.
Në këtë seksion të veçantë të urës, me vendim të Drejtorisë së Policisë së Akaisë, nga e enjtja e datës 20 korrik, qarkullimi u ndalua dhe u mbyll për shkak të punimeve të shembjes për rikonstruksionin e nënkalimit.
Ndërkohë viktima dhe 5 të plagosurit janë dërguar në spitalin e Rios dhe 3 të tjerë janë dërguar në spitalin Agios Andreas.
Në vendngjarje kanë shkuar forca të policisë greke nga njësitë rajonale fqinje si dhe nga Atika.
Nga policia është njoftuar prokurori kompetent ndërsa hetimet paraprake janë ndërmarrë nga Drejtoria e Policisë së Patrës, në vendngjarje ndodhen edhe guvernatori rajonal i Greqisë Perëndimore Nektarios Farmakis, zëvendësministri i Infrastrukturës Nikos Tachiaos dhe zv.ministrja e Transporteve Christina Alexopoulou./Opinion.al
