Deputeti Agron Shehaj ka akuzuar ditën e sotme në Kuvend ministren e Infrastrukturës, njëkohësisht zv/kryeministren Belinda Balluku.
Ai tha se është neglizhuar një interpelance e kërkuar prej tij për rrugën Thumanë-Kashar, me ministren Balluku.
Sipas tij, Balluku harxhon para për festat e PS duke hedhur valle dhe thënë se s’kishte kohë për interpelancën.
Ndërkohë Spiropali ka thënë se interpelanca do caktohet në kalendar sipas procedurës dhe do njoftoheni.
Shehaj: Kanë kaluar të paktën 6 muaj në lidhje me interpelancën që kam kërkuar me Ballukun dhe përsëri nuk po ndodh. Kanë ndodhur interpelanca të tjera, por nuk ka ndodhur kjo, sepse nuk keni vendosur dot datën. Vendoseni vetë datën, ministrja tha isha unë po s’ishe ti. Por duhet të vendosni ju, kam 6 muaj që e kam bërë.
Rekord me rrugën Thumanë-Kashar, 20 km nga 10 vite kontratë në 35 vjeçare, janë 3 mld euro nga paratë e shqiptarëve, nuk mund të fshiheni. Kishte reaguar me një çarçaf sharjesh e ofendimesh dhe me thelbin nuk ishte marrë, që keni vjedhur, duhet të jepni llogari.
Më çoi mesazh se ishte e zënë këtë javë, por ku shoh një postim, e shoh se hidhte valle me militantët e PS për festa. Ky është skandal! S’ka lekë për pensionet, arsimin, etj., thoni s’ka para, por ka për festat e PS-së! Kur vjen puna për vjedhjet skandaloze të një rruge 20 km ju fshiheni. Keni vjedhur paratë e qytetarëve. Mund të na thoni kur do bëhet, apo është e paprekshme ministrja Balluku.
Spiropali: Ministrja është jashtë shtetit, do caktohet në kalendar sipas procedurës dhe do njoftoheni.
