SHBA vijon të përballet me vatra të mëdha zjarri që kanë përfshirë disa zona në Oregonin jugor. Sipas autoriteteve, më shumë se 300 mijë hektarë janë djegur, ndërsa mijëra banorë janë evakuuar.
Përhapja e shpejtë e flakëve është nxitur nga temperaturat e larta dhe erërat e forta. Ndërkohë që prej 6 korrikut kjo zonë është përfshirë nga flakët.
Deri më tani 67 shtëpi dhe 100 ndërtesa të tjera janë shkatërruar. Nga ana tjetër John Flannigan, shefi i Seksionit të Operacioneve është shprehur se kushtet e motit nuk janë favorizuese dhe nuk ndihmon në parandalimin e flakëve. Ndërsa temperaturat pritet të jenë 10-15 gradë mbi normalen.
Në Kanada më shumë se 150 zjarre janë shënuar gjatë javës së kaluar, bën të ditur Qendra kanadeze e zjarrit të pyjeve. Ndryshimi i klimës shton rrezikut e motit të nxehtë dhe të thatë, gjë e cila ndihmon përhapjen e flakëve.
