Një person i dyshuar për plagosje të gjashtë policëve amerikanë, pas disa të shtënave me armë zjarri u dorëzua.
Beteja me armë zjarri në mes të policisë dhe të dyshuarit filloi në orën 16:30 sipas orës lokale, dhe vazhdoi për disa orë derisa sulmuesi është dorëzuar.
Oficerët kishin një urdhër për të kontrolluar disa shtëpi për drogë në lagjen Nicetown-Tiago të Philadelphia kur sulmuesi hapi zjarr. Ai plagosi gjashtë policë, ndërsa mbajti peng për disa orë 2 oficerë policie.
Sulmuesi u identifikua nga mediat amerikane si Maurice Hill, ndërsa vetëm pas disa orëve thirrjeje të policisë por edhe avokatit të tij, ai u dorëzua.
Gjashtë oficerët janë jashtë rrezikut për jetën, ndërsa sherifi i zonës e quan mrekulli faktin që nuk pati viktima në rradhët e tyre.
“Është mrekulli që nuk kemi disa oficerë të vrarë sot”, është shprehur sherifi i zonës.
Ky incident vjen pas dy sulmeve me të shtëna me armë zjarri, në El Paso të Teksasit dhe Dejton të Ohajos, të cilat kanë shtuar vëmendjen rreth çështjes së kontrollit të armëve në Shtetet e Bashkuara./Opinion.al
