Të paktën tre persona janë vrarë në SHBA pasi një person i armatosur hapi zjarr në Universitetin Shtetëror të Miçiganit. Sipas Policisë autori qëlloi me armë në dy zona të ndryshme të kampusit universitar me një distancë prej 45 minutash, përpara se të largohej në këmbë. Si pasojë e të shtënave edhe pesë persona të tjerë u plagosën.
Policia e përshkroi të dyshuarin si “mashkull me ngjyrë, me shtat më të shkurtër”. Ata më vonë thanë se ai ishte 43 vjeç pa asnjë lidhje me universitetin.
Autoritetet ende nuk kanë përcaktuar një motiv të ngjarjes, por sipas tyre i dyshuari, identiteti i të cilit nuk dihet, kishte vrarë veten me armë zjarri pas ngjarjes.
Ngjarja u regjistrua pak pas orës 20:00 me orën lokale të së hënës (01:00 GMT e martë).
Në atë moment universiteti ishte i mbushur me të rinj që ndiqnin orët e mbrëmjes, ose darkonin apo pinin në lokalet e kampusit.
