Rreth 18,000 lopë u dogjën të gjalla nga një shpërthim në një fermë qumështi në Teksas, raportojnë autoritetet lokale.
Ngjarja ka ndodhur mbrëmjen e së martës por u bë e ditur vetëm të premten.
Policia tha se kishin marrë një denoncim për një zjarr në fermë rreth orës 19:21 të së hënës (00:21 me orën tonë të martën).
Nga shpërthimi, policia bën me dije se është plagosur edhe një person, të cilin e kanë gjetur të bllokuar brenda në fermë.
Autoritetet besojnë se shpërthimi u shkaktua nga një avari në makineritë e fermës, por ende nuk kanë një konfirmim zyrar.
Incidenti shkaktoi një përgjigje nga Instituti i Mirëqenies së Kafshëve (AWI), i cili tha se ishte deri tani zjarri më i keq në fermat e bagëtive që nga fillimi i regjistrimeve në 2013.
Sipas shifrave gati 6.5 milionë kafshë ferme janë vrarë në zjarre që nga viti 2013, nga të cilat rreth 6 milionë ishin pula dhe rreth 7,300 ishin lopë./Opinion.al
