SHBA thotë se ka vrarë liderin e Shtetit Islamik (IS) Abu Jusif në Siri, shkruan A2 CNN.
Forcat e Komandës Qendrore të SHBA (Centcom) thanë se kryen një sulm ajror duke synuar Yusif, i cili ndodhej në lindje të vendit.
Mediat e huaja, të cilat citojnë zyrtarët amerikanë, shkruajnë se një tjetër operativ i IS-it u vra gjithashtu në sulm.
Ky sulm u krye në një zonë të kontrolluar më parë nga regjimi sirian dhe forcat ruse.
Komandanti i Centcom, gjenerali Michael Erik Kurilla, tha: “Siç u tha më parë, Shtetet e Bashkuara – duke punuar me aleatët dhe partnerët në rajon – nuk do të lejojnë ISIS-in të përfitojë nga situata aktuale në Siri dhe të rindërtohet”.
“IS-i ka synimin të largojë nga paraburgimi mbi 8,000 operativët e ISIS që aktualisht mbahen në objektet në Siri”, tha ai më tej.
“Ne do të synojmë në mënyrë agresive këta udhëheqës dhe operativë, përfshirë ata që përpiqen të kryejnë operacione jashtë Sirisë”, përfundoi deklaratën.
