PRISHTINE- Ambasadori amerikan, Greg Delawie ka reaguar lidhur me situatën e sotme në Parlamentin e Kosovës. “Eshtë shqetësuese ardhja në Parlament e deputetëve të cilët janë në arrest shtëpiak”, është shprehur ai. “Më shqetëson shumë fakti se deputetët nuk respektojnë ligjin”, ka thënë Delawie duke iu referuar pranisë në Kuvend të deputetëve Fisnik Ismaili e Faton Topalli, të cilëve u është komunikuar para disa ditëve masa e arrestit shtëpiak.
Ai ka përmendur edhe vizitën e Sekretarit të Shtetit, John Kerry, i cili kishte bërë thirrje të mbahet larg dhuna sepse Kuvendi nuk është vend i dhunës e i gazit lotsjellës.
Delawie ka thënë se është i zhgënjyer me deputetët që kanë hedhur gazin lotsjellës në seancë sot, ndërsa ka shtuar se është i shqetësuar edhe për retorikën nacionaliste të shtuar kohëve të fundit.
“Ballkani ka parë shumë nacionalizëm dhe kjo mjafton me kaq”, perfundoi ai.
