Shtetet e Bashkuara kanë paralajmëruar qytetarët e tyre për “kërcënime të besueshme” për sulme në zonat turistike në Turqi, sidomos në Stamboll dhe Antalia.
“Ka kërcënime të besueshme në zonat turistike, sidomos në sheshet dhe portet publike në Stamboll dhe Antalia. Ju lutemi, kini kujdes të madh nëse jeni në afërsi të zonave të tilla”, thuhet në paralajmërimin online të Ambasadës së SHBA-së në Turqi.
Paralajmërimi i SHBA-së vjen një ditë pasi Byroja Anti-terrorizëm e Izraelit u ka bërë thirrje të gjithë izraelitëve që të shmangin Turqinë, duke thënë: “Ka rreziqe të menjëhershme për sulme në këtë vend”.
Grupi ekstremist i Shtetit Islamik (ISIS), dhe militantët kurdë kanë kryer disa sulme në Turqi, në muajt e fundit.
