Kryeministrat e Britanisë, Gjermanisë dhe Francës kanë bërë thirrje që të gjitha palët të punojnë me urgjencë për të zbutur tensionet në Gjirin Persik. Johnson, Macron dhe Merkel kanë dënuar sulmet e fundit kundër forcave të koalicionit në Irak dhe shprehën shqetësim të thellë për rolin “negativ” që Irani ka luajtur në rajon.
Në deklaratë është bërë thirrje që të gjitha palët të tregojnë përmbajtje dhe përgjeshmëri maksimale.
Gjithashtu iështë bërë thirrje Iranit të frenohet nga veprime të tjera të dhunshme ose nga zhvillimi i armëve, duke i kërkuar të heqë dorë nga masat që nuk përputhen me marrëveshjen bërthamore të vitit 2015.
“Një tjetër krizë rrezikon të prishë përpjekjet shumëvjeçare për stabilizimin e Irakut. Ne gjithashtu riafirmojmë angazhimin tonë për të vazhduar luftën kundër Shtetit Islamik, që mbetet një përparësi e lartë,” -thanë udhëheqësit.
Irani ka njoftuar se do të braktisë marrëveshjen bërthamore për pasurimin e uraniumit, një akt që mund ta sillte atë më pranë ndërtimit të një bombe atomike./Opinion.al/
