Një 17-vjeçar amerikan ka humbur jetën pasi është qëlluar pesë herë me armë zjarri nga një oficer policie në SHBA.
Dalaneo Martin, 17 vjeç, ishte duke fjetur në një makinë të vjedhur, kur oficerët kanë hapur derën fshehtas dhe kanë hyrë brenda saj për ta arrestuar.
Pamjet e kamerës kanë treguar momentin kur i dyshuari është larguar me shpejtësi nga paniku, duke pasur një oficer në sediljen e pasme.
“Stop. Ndal ose do të qëlloj!” i ka thënë disa sekonda para se të qëllojë disa herë.
Pasi i thotë të ndalojë, oficeri ka hapur zjarr ndaj adoleshentit nga pas, duke e qëlluar 5 herë.
“Humbja e një jete është gjithmonë tragjike, por është veçanërisht e trishtueshme kur përfshin një fëmijë,” tha departamenti i drejtësisë në një njoftim për shtyp të mërkurën, duke njoftuar hetimin për të drejtat civile.
Ndërkohë autoritetet thonë se i mituri u qëllua nga një oficer ende i paidentifikuar i Policisë së Parkut të SHBA-së, thonë autoritetet zyrtare.
