SHBA ka dërguar një ekip ekspertësh teknikë në Izrael për të ndihmuar në rikuperimin e pengjeve.
Ekipi është atje për të këshilluar dhe punuar me izraelitët se si të lirojnë njerëzit që mbahen peng, tha një zyrtar, raporton sky neës.
Hamasi besohet të ketë marrë më shumë se 100 pengje gjatë sulmit të befasishëm ndaj Izraelit të shtunën.
Presidenti Joe Biden tha në një deklaratë se ai beson se mes disa prej atyre që u rrëmbyen dhe u dërguan në Gaza, ka të ngjarë të ketë edhe amerikanë.
Ai shtoi: “Unë e kam drejtuar ekipin tim që të punojë me homologët e tyre izraelitë në çdo aspekt të krizës së pengjeve, duke përfshirë ndarjen e inteligjencës dhe vendosjen e ekspertëve nga e gjithë qeveria e Shteteve të Bashkuara për t’u konsultuar dhe këshilluar me homologët izraelitë mbi përpjekjet për rikuperimin e pengjeve.”
Përveç dhënies së ndihmës për nxjerrjen e pengjeve, SHBA thuhet se po përpiqet të koordinojë me vendet e tjera një plan për të ofruar kalim të sigurt nga Gaza për civilët.
Civilët palestinezë dhe amerikanët në Gaza do të arratiseshin përmes një korridori jugor që çon në Egjipt sipas planit që po shqyrtohet, raporton NBC.
Ndërsa Izraeli po përgatitet për një inkursion të mundshëm tokësor në Gaza, për civilët që nuk kanë lidhje me Hamasin janë në rrezik të mbeten të pastrehë ose të vriten në luftime.
