Tre persona humbën jetën kur një aeroplan i vogël u përplas në një shtëpi jashtë Detroitit në Michigan, sikurse ka bërë me dije zyra e Sherifit të Auckland. Tre të vdekurit dyshohet të jenë piloti dhe dy pasagjerë të avionit, raporton CNN.
Familja prej pesë anëtarësh që jeton në shtëpi arriti të dilte, para se banesa të përfshihej nga flakët.
Shtëpia është e vendosur në qytetin e Lyon, rreth 60 milje në perëndim të Detroitit. Gruaja që jeton në shtëpi i tha CNNi se ata ishin të gjithë aty kur avioni u rrëzua. Ajo shtoi se të gjithë ishin në dhomën e ndenjes duke diskutuar se cilin film do të shikonin. Pak para se avioni të rrëzohej, ata shkuan në një dhomë tjetër, gjë që duket se u ka shpëtuar jetën.
Shtëpia është shumë afër Aeroportit të Auckland. Ndërkohë Eric Millen, i cili jeton në një shtëpi fqinje, tha se jetesa në këtë zonë gjithmonë ka qenë e frikshme, sepse aeroplanët fluturojnë mbi shtëpitë e tyre./Opinion.al
