Sulmuesi i talentuar kosovar, Shani Tarashaj ka kompletuar transferimin e tij te Evertoni nga Grasshopper.
Pas një viti të suksesshëm te Grasshopper në kampionatin zviceran, Tarashaj u bë njëri nga sulmuesit më të kërkuar në Evropë.
Por skuadra angleze Everton ishte më e shpejtë dhe arriti transferimin e tij për katër milionë euro.
Gjithsesi edhe pse ka nënshkruar kontratë me Evertonin, Tarashaj do të mbetet te Grasshopper për gjashtë muajt e ardhshëm pasi ky ishte kusht i vënë nga skuadra zvicerane.
Në një prononcim për Telegraf.com, Tarashaj flet për transferimin në Ligën Premier si dhe të ardhmen e tij.
“Tani edhe zyrtarisht jam pjesë e Evertonit dhe jam i lumtur që kam bërë një hap tjetër në karrierën time”, shprehet Tarashaj për Telegrafin.
“Puna ime e palodhshme besoj se është shpërblyer më në fund. Kam shënuar gola me Grasshopperin, kam asistuar dhe kam pasur paraqitje të mira dhe më vjen mirë që është vlerësuar mundi im”.
“Aventura ime te Evertoni do të fillojë nga vera, pasi për gjashtë muaj të tjerë do të mbetëm në Grasshopper.”
Shpresojë që t’i ndihmojë edhe më shumë ekipit për të arritur objektivat duke shënuar gola të tjerë”.
“Liga Premier është liga më e fortë në botë dhe kjo më bëri që ta pranojë ofertën e Evertonit. Shpresojë që edhe në Angli do të shënojë shumë gola si në Zvicër për ta bërë krenar vendlindjen time”, përfundoi sulmuesi prizrenas.
Kujtojmë që për djaloshin 20-vjeçar ishin në garë shumë skuadra të njohura evropiane nga Italia, Spanja, Anglia, Franca dhe Gjermania. /Telegrafi/
