Pas ndërprerjes së mësimit në shkolla për shkak të COVID-19, ministrja e Arsimit Besa Shahini është shprehur në rrjetet sociale se pas disa ditësh do të merret vendimin për të mbyllur ose jo vitin shkollor.
Ministrja thekson se vendimi varet dhe nga situata në të cilën do të ndodhet vendi pas pak ditësh, ndërsa shton se të gjithë skenarët janë gati.
“Ju falënderoj që keni qëndruar në shtëpi gjatë gjithë kësaj kohe dhe keni ndihmuar në parandalimin e përhapjes së koronavirusit në Shqipëri. Ju falenderoj për pyetjet që ka keni cuar këta ditë. Pyetja kryesore është nëse ka një vendim final tashmë është se nëse kemi vendim final për mbylljen e vitit shkollor. Nuk kemi ende një vendim final për të mbyllur vitin shkollor, do e kemi në fund të prillit, pra është punë ditësh. Thjesht po shohim situatën me koronavirusin, si po zhvillohet ajo, e po presim një vendim nga Task Forca, që të na thotë nëse mund të kthehemi nëpër shkolla apo jo. Sidoqoftë ne kemi të gjitha skenaret gati, si në rastet që kthehemi në shkolla, si në rastin që nuk kthehemi në shkolla e do zbatojmë njërin nga këta skenarë”, –tha ndër të tjera Shahini./ Opinion.al
